AIRDROP…NË ANDROID
Më në fund.
Kaq ka mjaftuar që interneti të shpërthejë këtë javë — dhe sinqerisht, me të drejtë. Prej vitesh kemi kaluar të njëjtën bisedë të sikletshme:
“Ma dërgon foton?”
“Ehh… prit ta ngarkoj… ose do ta nis në WhatsApp, po s’ka kualitet.”
Mirë, ajo epokë mbaroi.
Google sapo hodhi një surprizë që askush s’e priste kaq shpejt: Quick Share tani funksionon direkt me AirDrop-in e Apple. Pa truke sekrete, pa aplikacione të palëve të treta, pa grupe të çuditshme. Transferim real, natyral, cross-platform — duke filluar me serinë Pixel 10.
Dhe po, kjo do të thotë fiks atë që mendoni:
Android → iPhone dhe iPhone → Android, shpejt dhe pa humbje cilësie. Dy ekosisteme rivale që më në fund bashkëveprojnë si njerëz normalë. Mrekulli moderne.
Si funksionon (dhe pse është kaq e rëndësishme)
Proçesi është super i thjeshtë:
• Në iPhone aktivizohet AirDrop: “Everyone for 10 minutes.”
• Pixel-i e sheh menjëherë si destinacion në Quick Share.
• Tap → send → done.
Funksionon edhe anasjelltas — një iPhone mund të dërgojë të dhëna tek një Pixel-i, mjafton që Android-i të jetë i dukshëm (discoverable).
Lidhja është direkte (peer-to-peer), që do të thotë:
• Pa servera
• Pa rrugë të çuditshme në cloud
• Pa kompresim të fshehtë
• Pa log-e të dyshimta diku në sfond
Thjesht dy pajisje që komunikojnë lokalisht, fiks si AirDrop mes dy iPhone-ve.
Google thotë se ky është vetëm “hapi i parë”. Synimi është të funksionojë edhe me “Contacts Only” që transferimi të ndodhë automatikisht pa prekur asnjë buton shtesë. Nëse kjo ndodh, dërgimi i të dhënave mes Android dhe iPhone më në fund do ndihet njësoj si mes dy iPhone-ve.
Pse ka rëndësi kjo?
Prej më shumë se një dekade, iOS dhe Android janë sjellë si dy fqinj që jetojnë ngjitur… por nuk flasin. Mesazhe, grupe, foto, video — gjithçka ka qenë gjithmonë e ndarë në dy botë që s’e pranojnë njëra-tjetrën.
Ky përditësim heq një prej barrierave më irrituese mes tyre. Zgjidh një problem real të përditshëm — ndan foto në një event, dërgon një video kolegut, shkëmben dokumente shpejt, apo thjesht i dërgon mikut atë foton e bukur që i kape.
Kjo është pjesë e lëvizjes më të madhe të Google për të sjellë më shumë bashkëpunim ndërmjet sistemeve, pas RCS dhe alarmeve për tracker-a të panjohur. Nëse Apple do e hapë derën plotësisht, mbetet për t’u parë — por të paktën tani për tani dera është hapur.
Mateo Kadriu
Disclaimer: This article is based on publicly available information sourced from the internet, which I have personally edited, summarized, and re-written for my blog.